Alda Nielsdóttir
Russland hevur nú latið Myanmar tvey hernaðarflogfør av slagnum SU-30.
Í september í fjør, varð avtala gjørd um, at Russland skuldi lata Myanmar hernaðarútgerð. Sambært avtaluni fær Myanmar tilsamans seks hernaðarflogfør frá Russlandi.
Avtalan millum Russland og Myanmar varð gjørd í sambandi við, at russiski uttanríkismálaráðharrin Sergej Lavrov vitjaði í høvuðsstaðnum í Myanmar, Naypyidaw. Tá gjørdi Lavrov greitt, at Russland stuðlaði hernaðarleiðsluni í síni roynd "at tryggja støðuna í landinum".
Umboð frá russiska verjumálaráðnum hava fleiri ferðir vitjað í Myanmar, síðan hernaðarkvettið 1. februar í 2021, skrivar tíðindastovan Reuters.
Í USA siga tey seg vera stúrin um gongdina í Myanmar, og kann russiski stuðulin av hernaðarleiðsluni í landinum ikki góðtakast. Tað ger støðuna í landinum meira óstøðuga, sigur embætismaður úr amerikanska uttanríkismálaráðnum sambært tíðindastovuni.
– Einhvør, sum tosar við Ruslsand noyðist at siga teimum, at teirra framhaldandi stuðul av hernaðarleiðsluni ikki kann góðtakast.
Vinarliga broyt tínar kennifíla - og privatlívsstillingar fyri at síggja hetta innihald