Russland: 49 ukrainskar dronur skotnar niður í nátt

Ukrainski herurin hevur í nátt framt dronuálop á Russland.

Sambært russiska verjumálaráðnum hevur Russland í nátt skotið niður 49 ukrainskar dronur í sjey landslutum, skrivar AP.

Ukrainski herurin sigur seg hava rakt ymisk mál, m.a. tvey flogfør á russisku flogstøðini Savasleyka eystanfyri høvuðsstaðin Moskva.

Eisini verður boðað frá, at ukrainar hava rakt elverkið ENIIR í Tjuvasjia umleið 600 kilometrar eystanfyri Moskva.

Ukrainar siga seg hava framt beinleiðis álop á elverkið við í minsta lagi tveimum dronum. Russland sigur tó, at vrakpetti frá dronunum, sum vórðu skotnar niður, raktu økið.

Boðað varð eisini frá einum stórum russiskum loftálopi á Ukraina í nátt, har 479 dronur og 20 rakettir vórðu sendar yvir Ukraina.

Les eisini: 479 dronur og 20 rakettir yvir Ukraina í nátt