Rendi á seyð har eingin seyður skuldi verið

Dagarnir verða skjótt myrkir, nú vit skriva miðjan november, og seyður á vegnum kann verða torførur at síggja. Men hví seyður var á vegnum millum Hvítanes og Sandvíkarhjalla í gjár er eitt ivamál.

Løgreglan fekk fráboðan beint eftir klokkan 17, at ein bilur hevði rent á tveir seyðir. Bóndin varð fráboðaður, og málið fer víðari til tryggingina, verður sagt av løgreglustøðini.

Men ein kann undrast yvir hvussu seyður var komin á vegin har. Á strekkinum er avhegnað og stikað, og nógvar krónur eru nýttar seinastu árini at gera vegastrekkið trygt fyri seyði.