Agnar Prestá
Skógrøkt hevur fingið nýggjan leiðara. Talan er um Rakul Arnfríð Dam, sum hevur arbeitt har síðani 1994, tá hon fór í læru á Skógrøkt.
Hetta boðar Umhvørvisstovan frá á heimasíðu sínari.
Afturat gartnaraútbúgvingini hevur 45-ára gamla Rakul Arnfríð Dam lisið stakar lærugreinar innan lívfrøði og hevur síðani 2006 verið røktarleiðari á Gróðurstøðini í Miðhoydølum, sum er miðstøðan hjá Skógrøkt.
Ábyrgdarøkið hjá Skógrøkt umfatar millum annað skógfriðað øki og viðarlundir kring landið.
Umhvørvisstovan skrivar, at Skógrøkt varð til sum stovnur í 1987, og hevur síðani 2007 verið ein deild á Umhvørvisstovuni.
Undanfarnir deildarleiðarar á Skógrøkt er Tróndur Leivsson, sum røkti starvið frá 1987 til 2015, og Michael Jacobæus, sum leiddi deildina frá 2016 til 2020.
Vinarliga broyt tínar kennifíla - og privatlívsstillingar fyri at síggja hetta innihald