Rættarmál um skotálop á russiska konserthøll byrjað - fýra menn játta seg sekar

Í dag byrjaði rættarmálið um higartil deyðiligasta álopið á russisk sivilfólk.

Talan var um eitt álop á konserthøllina Crocus City Hall í einum forstaði til Moskva í mars í fjør, har 149 fólk lótu lív og fleiri hundrað onnur fingu skaða.

Tað vóru fýra menn, sum framdu álopið, og í rættinum í dag hava fýra menn játtað seg sekar í at hava framt álopið, skrivar Ritzau.

Tilsamans 19 eru skuldsett í málinum fyri at hava spælt ein beinleiðis ella óbeinleiðis leiklut í álopinum Tað er ógreitt, hvønn leiklut hinir 15 hava spælt.

Teir fýra menninir, sum hava játtað seg sekar koma úr fyrrverandi sovjetlýðveldinum Tadsjikistan.

Teir gingu runt í konserthøllini í 20 minuttir og lótu skutu eftir konsertgestum. Hareftir settu teir eld á høllina og rýmdu av staðnum. Stutt eftir álopið tók Islamiskur Statur ábyrgdina, men russiskir myndugleikar løgdu Ukraina undir at standa aftanfyri. Ukraina hevur víst aftur, at tey standa aftanfyri álopið.