Peru: Leggur frá sær aftaná fýra dagar sum forsætisráðharri

63 ára gamli Héctor Valer fer frá sum forsætisráðharri í Peru eftir bert at hava verið í sessinum í fýra dagar. Tað váttaði hann sjálvur í gjár.

Hendan fráboðanin kemur í kjalarvørrinum á skuldsetingar um harðskap móti konu og dóttir hansara. Sambært løgreglurapport frá 2016 vil dóttirin m.a. vera við, at hann hevur sligið og sparkað hana í andlitið og aðrastaðni á kroppinum.

Héctor Valer sigur tó, at løgreglurapportin er følsk.

Pedro Castillo, forseti í Peru, skal nú velja nýggjar ráðharrar. Núverandi stjórnin er tann triðja, sum Peru hevur havt seinasta hálva árið. 

Héctor Valer náddi ikki eingongd at sita sum forsætisráðharri í eina viku, áðrenn hann legði frá sær.