Regin Winther Poulsen
Fyrr í dag helt Frans Pávi røðu á Bascilia svalanum í Vatikaninum, eins og hann ger hvørt ár. Boðskapurin eitt ynski um frið í heiminum og hann nevndi millum annað Jemen og Sýrland sum dømi um støð, har friður ikki hevur valdað.
BBC siterar eisini pávan fyri at hava sagt:
- Mítt ynski um eini góð jól er eitt ynski um brøðralag. Brøðralag ímillum einstaklingar í øllum londum og mentanum.
Talan er um tað fimtu røðuna hjá Frans Páva 25. desembur Bascilia svalanum.
Í gjár var messa í Pæturskirkjuni, og har var boðskapurin hjá pávanum, at gjógvin ímillum rík og fátøk er voksin nógv, og at vit eiga at arbeiða ímóti hesum. Hann heitti á fólk um ikki at vera ov materialistisk. Hann segði at ov nógv fólk liva sítt lív í grammleika, og at hettar ikki leiðir til eydnu.
Vinarliga broyt tínar kennifíla - og privatlívsstillingar fyri at síggja hetta innihald