Innanlands

Pallborðsfundur um framtíðarkrøv og krøv á eldraøkinum

Tórshavnar kommuna skipar fyri pallborsfundinum “Vit skulu liva væl og leingi”

Mynd: Tórshavnar kommuna

Mynd: Tórshavnar kommuna

2019-02-11 17:04 Author image
Ari av Rana

Tað er neyðugt at nýhugsa fyri at tryggja eldraøkið í framtíðini. Vit liva longri, og tí gerast fleiri eldri. Um somu leið økist eisini tørvurin á hjálp og umsorgan til aldrandi borgaran. 

Tórshavnar kommuna skipar fyri pallborsfundinum “Vit skulu liva væl og leingi” mikukvøldið 20. februar. Fundurin verður í Smæruni. 

Á fundinum verður spurt, hvussu vit best fyrireika okkum til framtíðar tørv og krøv á eldraøkinum: 

• Hvussu menna vit eldraøkið soleiðis, at vit eisini í framtíðini kunna veita dygdargóða heildartænastu? Og hvussu tryggja vit støðuga tilgongd av heilsustarvsfólki? 

• Í hvønn mun kann vælferðartøkni stuðla undir heilsu og umsorgan á eldraøkinum? Hvar gongur markið? 

• Hvør er ábyrgdin hjá kommununi? Og hvørja ábyrgd hevur tann einstaki, tey avvarðandi og medmenniskjuni? 

Orðstýrari hetta kvøldið verður Óluva Zachariasen, tíðindafólk, skrivar Tórshavnar kommuna á heimasíðuni.

placeholder
placeholder