Óvist hví eldurin kyknaði

Tað var nógvur roykur at síggja, og fleiri fólk niðri í Havn hildu, at eldur vóru í onkrum húsum uppi í Hoyvíkshaganum.

Men tað var ‘bara’ ein gravkúgv, sum kolaðist upp.

Fráboðanin um eldsbrunan kom klokkan nakað yvir 16 seinnapartin. Av einhvørjari orsøk kom eldur í eina gravimaskinu, sum stóð á einum uppdyrkingarvegi, sum bóndin á Vatnaskørum er við at gera.

Sløkkiliðið fór á staðið og fekk bast eldinum. Enn vita tey ikki, hví eldurin kyknaði, verður upplýst av løgreglustøðini.