Alda Nielsdóttir
Drápið á Alex Pretti í Minneapolis leygardagin eigur at vera eitt "wakeupcall" fyri allar amerikanarar, siga fyrrverandi amerikonsku forsetahjúni, Barack og Michella Obama.
Les eisini: Enn ein persónur dripin í Minneapolis
Í felags skrivi, sum er deilt á sosialu miðlunum, skriva tey, at drápið á Alex Pretti er ein sorgarleikur, sum eigur at vera eitt wakeupcall fyri allar amerikanarar uttan mun til politiskan lit, tí amerikonsku kjarnuvirðini eru undir álopi.
Sambært Obama-hjúnunum útinnur immigratiónsmyndugleikin, ICE arbeiði sítt á ein ólógligan hátt í Minneapolis, og tykjast ikki at vera nakrar avleiðingar fyri teir.
Eisini finnast tey at núverandi umsitingini hjá Donaldi Trump, sum "gevur almenninginum frágreiðingar um skotdrápini á Pretti og Renée Good (skotin av ICE í Minneapolis 7. januar, red.), sum ikki byggja á nakað veruligt kanningararbeiði - og sum sær út til at vera í andsøgn við sjónbandaupptøkurnar".
Barack og Michelle Obama siga seg vóna, at drápið á Alex Pretti fær stjórnina at endurskoða síni tiltøk.
Vinarliga broyt tínar kennifíla - og privatlívsstillingar fyri at síggja hetta innihald