Nýtt vinnuøki fyri innan Glyvur

Sjóvar kommuna er nú farin undir at selja vinnustykki á einum nýggjum vinnuøki í Urðum fyri innan Glyvur.

Talan er um eitt øki, sum liggur oman fyri sunnara býlingin innan Glyvur. Eitt øki, ið liggur væl fyri í sambandi við Eysturoyartunnilin, bert góðar tveir kilometrar norðan fyri tunnilsmunnan.

- Vinnuøkið er vælegnað til eina fjølbroytta vinnu, og er ætlað vinnu í umhvørvisflokki 1-3, skrivar kommunan.

Faldari - Vinnuøki Innan Glyvur

Gjørdur er ein faldari, sum vísir ætlanirnar hjá Sjóvar kommunu við økinum. Vinnustykkini eru ikki matrikullerað, men verða tað so hvørt, tey verða seld.