Nýggjur verjuovasti í Føroyum

Týsdagin fær føroyska deildin av Arktisk Kommando nýggjan ovasta.

Arktisk Kommando, Forbindelseselement Færøerne, eitur lítli bólkurin av donskum hernaðarfólki, sum er eftir í Føroyum. Forbindelseselementet hevur hølir í gomlu telegrafstøðini á Tinghúsvegnum saman við Vørn og MRCC.

Týsdagin verður núverandi ovastin fyri Arktisk Kommando í Føroyum, Michael Hjort, avloystur. Nýggi ovastin eitur Jes Hultquist, og er, eins og undanmaðurin, kommandørkapteynur í hernaðartign.

Í sambandi við vaktarskiftið verður móttøka fyri innbodnum, har ovastin fyri Arktisk Kommando, Kim Jesper Jørgensen, generalmajorur, eisini verður til staðar.