Ingi Samuelsen
Runavíkar kommuna hevur sett Kára Sverrisson í starv sum leiðara fyri Runavíkar kvøld- og ungdómsskúla, skrivar kommunan á heimasíðuni.
Kári Sverrisson hevur læraraútbúgving, BA prógv í listarligum arbeiði, skeið í undirvísingarlæru fyri lærarar í frítíðarundirvísingini og skeið at undirvísa í børnum í talvi, School Chess Certificate frá European Chess Union. Kári hevur starvast sum fólkaskúlalærari síðani 2008 og sum kvøldskúlalærari síðani seinna helming av nítiárunum, serliga innan tónleika- og talvundirvísing.
Kári Sverrisson hevur drúgvar undirvísingarligar royndir umframt royndir at fyriskipa og samskipa bæði sum lærari, tónleikari og útgávufólk.
Kári Sverrisson tók við starvinum sum leiðari fyri Runavíkar kvøld- og ungdómsskúla tann 1. august, og hevur farna mánaðin fyrireikað komandi kvøld- og ungdómsskúlaárið.
Komandi skeiðini eru løgd á heimasíðu kvøldskúlans, www.kurk.fo Tilmeldingin til kvøldskúlaárið 2025/26 letur upp 1. oktobur kl. 18.
Vinarliga broyt tínar kennifíla - og privatlívsstillingar fyri at síggja hetta innihald