Mentan

Nýggj framsýning um føroysk klæði

Tjóðsavnið hevur gjørt forkunnuga framsýning við søgum og frágreiðingum um tjóðarbúna okkara

(Mynd: Tjóðsavnið)

(Mynd: Tjóðsavnið)

2022-07-26 17:01 Author image
Tíðindaskriv
placeholder

Nýggj forkunnug framsýning er latin upp við spennandi søgum og frágreiðingum um føroysku klæðni - tjóðarbúna okkara.

Umframt fleiri forkunnugar lutir, verður eisini sýnt fram dømi uppá nýmótans føroysk klæði. Greitt verður frá søguni um búnan, hvussu hann verður nýttur í dag, og hvussu hann seinastu árini er vorðin ein fólksligur og livandi búni.

Søgan um tann stóra týdning ”Skrædder Debes” fekk fyri menningina av búnanum er við á framsýningini, umframt ein fragreiðing um siðbundna handverkið at framleiða føroysk klæði.

Í fjør lat upp framsýningin “Ull er Føroya gull”. Hon snýr seg um týdningin, seyðahald og ull hava havt fyri Føroyar frá landnámstíð fram til í dag. Hesar báðar framsýningarnar standa sera væl lið um lið og stuðla hvørji aðrari.

Framsýning Tjóðsavnsins hevur opið hvønn dag frá kl. 10 til 17 – eisini á ólavsøku.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder