Nú yvir 6 milliónir danir

Danska íbúgvaratalið hevur nú rundað 6 milliónir. Tað boðar Danmarks Statistik frá í dag.

Íbúgvaratalið fyri mai er júst uppgjørt, og tað er nú 6.001.008 fólk, sum er tað hægsta nakrantíð, skriva danskir miðlar í morgun. Hetta er talið á fólki, sum hava eru skrásett at búgva í Danmark.

Tað var væntað, at talið fór at rundað hetta vegamótið, tí tá íbúgvaratalið seinast varð gjørt upp – tað var fyri apríl – manglaðu 333 í at náa tær seks milliónirnar.

Tað eru 42 ár síðan, at danska íbúgvaratalið rundaði fimm milliónir.