Nú sleppa kajakrógvarar av við ruski tey savna

Kajakkirnar hjá limum í Havnar Kajakkfelag síggjast javnan í Havnarvág og nærhendis.

Kajakkfelagið keypti nakað herfyri nýggja útgerð, ið verður brúkt  til at rudda vágna nakrar tímar um vikuna.

Tey hava ofta fullan posa við burturkasti, sum verður heintað á sjónum.

Havnar Kajakkfelag hevur sóknast eftir at fáa eina bingju til alt ruskið, sum tey finna. Og henda bingjan er nú komin.

Um vikuskiftið vóru Ása Ósá og Jan Egil Kristiansen ein túr við kajakkini, og tey fingu fitt av ruski, sum fór beint í bingjuna, sum nú er sett upp til endamálið í Álakeri. Á sjónum finna rógvararnir alt frá togendum til plast.

Kelda: Tórshavnar kommuna