Nú flýgur bert Atlantsflog til Føroya

Atlantic Airways er nú aftur einasta flogfelagið við regluligari ferðafólkaflúgving til Føroya, og so verður allan veturin.

Tey útlendsku flogfeløgini, sum hava flogið til Føroya seinastu mánaðirnar, Skandinaviska SAS, íslendska Icelandair og norska Widerøe flúgva nevniliga ikki til Føroya í vetrarmánðunum, skrivar Kringvarpið.

Føroyaflúgvingin hjá hesum trimum flogfeløgunum verður tikin uppaftur komandi ár.