2021-05-07 19:28
Tey, sum eru tíðliga á fótum, kunnu nú fara at svimja uppaftur fyrr um morgunin í høvuðsstaðnum, tí Svimjihøllin í Gundadali hevur nú víðkað um upplatingartíðirnar.
- Hetta hevur verið eitt ynski hjá borgarunum í rúma tíð, og nú hendir tað.
Hetta skrivar Tórshavnar kommuna á heimasíðu sínari, har boðað verður frá, at svimjihøllin letur upp ein hálvan tíma fyrr, so nú ber til at svimja longu frá klokkan 06:15.
Mánadagin 10. mai er tann fyrsti dagurin, tá ið hetta er møgulig. Upplatingartíðir og annað kunnu síggjast á svimjihollin.fo
Vinarliga broyt tínar kennifíla - og privatlívsstillingar fyri at síggja hetta innihald