Norrøna kemur ikki suðuroyingum til hjálpar

Seinastu dagarnar hava røddir verið frammi um, at Norrøna skal hjálpa til á Suðuroyarleiðini, men tað verður ikki í hesum umfari.

Tað segði Jóhan Christiansen, landsstýrismaður í samferðslumálum, í Degi og viku mánakvøldið.

(Savnsmynd: Sverri Egholm)

- Man hevur verið í samband við Smyril Line og tað ber ikki til. Og so veit eg at onkur tosar um, at nman skal fáa Nørrnu at sigla í vikuskiftinum, men tá er Norrøna í rutu uttanlands, segði Jóhan Christiansen, landsstýrismaður.

So tað kemur ikki uppá tal, at Norrøna verður sett í suðuroyarsiglingina í hesum umfari?

- Nei. Realistiskt sæð, so verður tað ikki tað, nei, var svarið.

Landsstýrismaðurin var tó samdur í, at hetta ikki er nøktandi ferðasamband í 2025, men tað var einki annað val í hesum føri. Hann gjørdi tó greitt, at Galaxy hevur siglt 93,5 prosent av túrunum hetta tíðarskeiðið, meðan tað hevur avloyst Smyril, og at eingin dagur hevur verið uttan samband.