Innanlands

Norðoyatunnilin steingir meðan sprongt verður

Ferðslan má bíða meðan tey spreingja fyri vinnuøki við Borðoyavík

(Savnsmynd: Pól Sundskarð)

(Savnsmynd: Pól Sundskarð)

2019-10-16 15:50 Author image
Ingi Samuelsen
placeholder

Arbeiðið at gera nýtt vinnuøki sunnan fyri bátahylin á Borðoyarvík kemur at ávirka ferðsluna gjøgnum Norðoyatunnilin.

Tunnilsfelagið boðar á heimasíðu síni í dag frá, at neyðugt verður – av trygdarávum – at steingja tunnilin meðan sprongt verður fyri vinnuøkinum nærhendis.

Tað er J. & K. Petersen, sum stendur fyri arbeiðinum at gera vinnuøkið á Borðoyavík fyri Klaksvíkar kommunu.

Tunnilsfelagið roknar við, at tunnilin verður stongdur í umleið 10 minuttir hvørja ferð sprongtverður. Roknast skal við umleið 25 spreingingum næstu tíðina.

Fyrsta spreingingin verður væntandi í morgin, hósdagin 17. september. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder