Norð Festivalur á Viðareiði á triðja sinni

Seinasti festivalurin í summar tjóvstartar í kvøld, men leygarkvøldið er stóra kvøldið.

Norð Festivalurin letur nevniliga dyrnar upp á triðja sinni. Tað er økið rundan um Hotel Norð á Viðareiði, sum er karmur um festivalin, sum seinastu tvey árini hevur verið sera væl eydnaður.

DoDo & the DoDo’s verður millum høvuðsnøvnini í ár, og tey fara á pallin kl. 21.30. Annars sæst úr skránni, at talan verður um tríggjar pallar.

Dagurin byrjar longu kl. 10 við ókeypis morgunmati fyri øllum gestunum, áðrenn Trølla Pætur og Omman kl. 11.15 fara at undirhalda fyri børnunum í stóra tjaldinum. Spælilandið letur upp kl. 12.00, eins og viðingar aftur í ár fletta eina kúgv kl. 12.30. Hotel Norð bjóðar sum vant eina vælsmakkandi buffét frá kl. 15.

Talan er um ein langan og fjølbroyttan tónleikadag, tí kl. 15 byrjar Uni Debess á hugnaligu terassuni, og tann seinasta konsertin verður við Adrenaline á stóra palli kl. 02.30. Talan er um heili 15 ymiskar tónleikaframførslur ígjøgnum dagin.

Sambært veðurtænastuni verður turt mesta part av leygardegnum. Nakrir dropar kunnu væntast móti midnátt og so ikki aftur fyrr enn móti sunnumorgni.

Síggj veðrið fyri Viðareiði

Stóri pallur:
18.00: Guðrið Hansdóttir
19.30: Marius Ziska
21.30: DoDo & the DoDo´s
23.45: Páll Finnur Páll
01.30: RSP
02.30: Adrenaline

Tjaldið:
11.15: Trølla Pætur og Omman
16.30: Danny Baldursson
18.45: Kim Hansen
20.30: Jens Marni Hansen
23.00: Eyðun Nolsøe
00.45: Karl Martin Samuelsen.

Terassan:
15.00: Uni Debess
15.45: Steintór Rasmussen
17.15: Elin Brimheim Heinesen