New York-flúgvingin fyribils útsett

Eftir ætlan skuldi Atlantic Airways byrja at flúgva til New York nú í oktober, men hendan flúgvingin er fyribils útsett til í vár.

Tað sigur Jóhanna á Bergi, stjóri hjá Atlantic Airways, við Kringvarpið.

Orsøkin til hetta er, at arbeiðið við at fáa neyðugu loyvini er nógv meira umfatandi, enn flogfelagið hevði roknað við.

Eftir ætlan fer Atlantic Airways at byrja flúgvingina til New York í mars næsta ár.