Næstan 20 stig í Íslandi jólaaftan

Hitamet varð sett í Íslandi í gjár, jólaaftan. Hitamátarin vísti 19,7 stig í Seyðisfirði í gjár um 11 tíðina, og so heitt hevur tað ikki verið í jólamánaðinum áður.

Higartil hevur metið verið 19,4 stig, og tað varð í 2019.

Hetta hendi, tí heit tropisk luft í hesum døgum kemur yvir Ísland við nógvum vindi.

Aftur í dag verður lýtt, skrivar íslendska kringvarpið RUV, men ikki eins og í gjár.