Móttøka fyri nýggja stjóranum í Heilsustýrinum fríggjadagin

Í sambandi við, at Noomi Oddmarsdóttir Gregersen tók við sum stjóri í Heilsustýrinum 1. januar, verður almenn móttøka í nýggju hølunum hjá Heilsustýrinum á Óðinshædd 11, fríggjadagin 9. januar klokkan 14, skrivar stýrið í dag.

Noomi er 47 ára gomul, hon er útbúgvin MSc í lívfrøði frá Aarhus Universiteti og hevur eina PhD í medisini við sergrein innan arvafrøði frá Aarhus Universiteti. Harumframt er hon er í gongd við eina master í leiðslu og skipan á Fróðskaparsetri Føroya.

Noomi hevur drúgvar royndir innan gransking og fyrisiting og hevur millum annað starvast sum granskari, verkætlanarleiðari fyri FarGen og eindarleiðari í Heilsustýrinum.

Noomi tekur við starvinum eftir Bjarna á Steig, sum hevur verið stjóri, síðani Heilsustýrið varð sett á stovn 1. januar 2023.