Møguleiki at síggja blóðmána í nátt - um veðrið heldur sær

Í nátt hava føroyingar møguleika at síggja blóðmána. Tað verður nevniliga full mánamyrking, og tað verður í meira enn tríggjar tímar.

Tað eru ivaleyst fleiri sum ætla at seta vekjaran tíðliga ella at bíða til fyribrigdið byrjar. Hetta verður klokkan 3.33 í nátt, og millum klokkan 4.41 og 5.43 verður mánin reyður, veit heimasíðan timeanddate.com.

Í skrivandi stund sæst mánin væl, men veðurforsøgnin sigur frá avfalli í nátt, so tað kann oyðileggja upplivingina fyri fleiri. Fylg veðrinum her.

Mánamyrking er tá mánin er í skugganum av jørðini har sólin ikki røkkur. Tað ger at einki ljós kemur til mánan, sum gerst reyður av sólstrálum sum bendast av ljóshavinum.