Mekaniskur feilur gjørdi at Thor endaði á Tinganesi

Løgreglan ger ikki meira við málið um garnaskipið Thor, sum bar við land á Tinganesi um hálvgum ellivu tíðina í gjárkvøldið.

Eingi tekin eru um, at fýlast kann á skipara ella manning. Tá skipið kom um Molan riggaði ikki at stýra. Tað var ein mekaniskur feilur, sigur løgreglan.

Thor sigldi spakuligt og skiparin kundi sikkurt bakkað skipið aftur, men vildi ikki taka nøkur óráð fyri.

Pressarin fekk skipið leyst aftur og trýsti tað til kei á Vestaru bryggju.

Eingin skaði er komin á skrokkin av hendingini. Skipaeftirlitið er kunnað um málið.