Yvirlit: Málsøkjabýtið er 3-2-2 - fleiri nýggjar samansetingar

Nýggja Landsstýrið verður endaliga avdúkað mánadagin 13. apríl, men longu nú er greitt, hvussu málsøkjabýti er, og øll sjey nøvnini kunnu - við nærum 100 prosent vissu - staðfestast.

Hetta eftir tíðindafundin um samgonguskjalið í dag, har flokkarnir endaliga váttaðu málsøkini, sum vit kundu fortelja um longu í gjár, og eftir at FM1 og Portalurin hava slotað seg fram til nøvini.

Tey, sum eru markað á hendan hátt, eru endaliga staðfest ella so at siga tað. 

Tey, sum eru markað við hesari skriftini í yvirlitinum niðanfyri, eru ikki 100 prosent vís, men alt bendir á, at hesi fara í Landsstýrið eisini.

Føroya Landsstýri

Fólkaflokkurin: 
Løgmaður (Beinir Johannesen)

Vinnumál - herundir samferðsla og útlendingaøkið (Jacob Vestergaard)

Mentamál - herundir útbúgvingamál (Bárður á Lakjuni)

Sí eisini: Beinir Johannesen verður yngsti løgmaður higartil

Sambandsflokkurin: 
Uttanríkis- og fiskivinnumál (Bárður á Steig Nielsen)

Heilsumál - herundir orku og umhvørvi (Eyðdis Hartmann Niclasen)

Herundir er eisini greitt, at Johan Dahl verður nýggjur løgtingsformaður.

Mest sannlíkt verða Jóhannis Joensen (C) og Elsebeth Mercedis Gunnleygsdóttir (A) aftur í formansskapinum.

Johan Dahl verður nýggjur landsstýrisformaður (Mynd: Sverri Egholm)

Javnaðarflokkurin: 

Fíggjarmál (Aksel V. Johannesen) *

Almannamál - herundir bústaðarmál, javnstøða, arbeiðsmarknaðarmál (Margit Stóra)

* Her er tann krúllan, at floksleiðslan í Javnaðarflokkinum í kvøld formliga skal góðkenna landsstýrisfólkini. At flokkurin ikki fer at góðkenna sín egna formann sum landsstýrismann í fíggjarmálum er óvanliga ósannlíkt, og tískil man Aksel V. Johannesen metast sum staðfestur sum nýggur landsstýrismaður í fíggjarmálum