Maður deyður eftir ferðsluvanlukku í Eysturoyartunlinum

Stutt eftir klokkan 13 í gjár varð boðað frá, at Eysturoyartunnilin varð stongdur orsakað av einari ferðsluvanlukku, har ein persónbilur rendi á rundkoyringina í tunlinum.

Løgreglan váttar í morgun fyri miðlunum, at førarin - ein eldri maður - sum rendi á, er deyður.

Málið verður kannað nærri. Um hann er deyður orsakað av ferðsluvanlukkuni, ella um heilsan hjá føraran var orsøkin til vanlukkuna, er ógreitt, sigur vaktleiðarin á løgreglustøðini í Havn.