Macron í Grønlandi

Franski forsetin, Emmanuel Macron er lendur í grønlendska høvuðsstaðnum Nuuk.

Í Grønlandi skal franski forsetin hitta grønlendska landsstýrisformannin Jens-Frederik Nielsen og danska forsætisráðharran, Mette Frederiksen.

Teir tríggir leiðararnir skulu m.a. umrøða trygd í Arktis, búskaparmenning og veðurlagsbroytingar.

– Eg komi til grønland við einum boðskapi um samhuga, stuðul og vinalag, sigur Macron sambært Ritzau.

Macron verður í Grønlandi í sjey tímar. Hann er fyrsti útlendski statsleiðarin, sum vitjar Grønland, síðan amerikanski forsetin, Donald Trump boðaði frá ynski sínum um at yvirtaka Grønland.

Fyrr í ár vitjaði amerikanski varaforsetin, J.D. Vance eisini í Grønlandi.