Má klípa seg í armin fyri at skilja, at Koks er komið í heimselituna

Søren Frank sum er mat- og vínredaktør hjá Berlingske heldur tað vera óvæntað, at Koks í kvøld fekk eina michelinstjørnu afturat.

Mest eygnarívandi og positivt sæð við donskum eygum er uttan iva tær báðar stjørnurnar til Koks í Føroyum, skrivar hann á heimasíðuni hjá blaðnum í kvøld.

- Ein má klípa seg í armin fyri at skilja, at oyggjarnar við bara 50.000 íbúgvum, og áður ikki beinleiðis hava verið kendar fyri gastronomi á høgum støði, er komið í heimselituna, skrivar hann víðari.

- Men lítla matstovan við íblástri frá Noma, sum er nakað uttan fyri Tórshavn og rúmar 25 gestum, hevur uttan iva støðið, og livir fult og heilt upp til lýsingina, at vera eina ferð verda, sigur Søren Frank.

Tað var á samkomu í Århus í kvøld, at tað varð kunngjørt, at Koks fekk tvær michelinstjørnur í ár. Fyrstu stjørnuna fekk matstovan í 2017, og hetta var fyrsta michelinstjørnan nøkur føroysk matstova hevur fingið.

Sí eisini: Video: Stjørnuregn á Koks og Poul Andrias Ziska