M. A. Jacobsens virðislønir handaðar mikudagin

Mikudagin 22. oktober klokkan 17 verða Virðislønir M.A. Jacobsens og Barnamentanarheiðursløn Tórshavnar býráðs fyri 2025 handaðar í Müllers Pakkhúsi.

Virðislønirnar eru:
Barnamentanarheiðursløn Tórshavnar býráðs
M.A. Jacobsens virðisløn fyri yrkisbókmentir
M.A. Jacobsens virðisløn fyri fagrar bókmentir
M.A. Jacobsens virðisløn fyri mentanaravrik

Tórshavnar kamarkór, sum verður 40 ár í ár, syngur, og Heidi Lava Elgeirsdóttir, forkvinna í mentanarnevndini hjá Tórshavnar býráð, bjóðar vælkomin.

Elsa Berg, borgarstjóri, handar virðislønirnar.

Mentanarvirðisløn M.A. Jacobsens varð fyrstu ferð latin í 1958.

Barnamentanarheiðursløn Tórshavnar býráðs varð latin fyrstu ferð í 1976.