Løgreglufólk í stórum tali í Fuglafirði

Síðan seinnapartin í dag hevur løgreglan verið til staðar á Bøvegi í Fuglafirði til eina hending. Hvat skal vera hent, vil løgreglan ikki siga nakað um í kvøld.

Vaktleiðarin á løgreglustøðini váttar í kvøld, at tey eru til staðar í Fuglafirði, men í samráð við kriminaldeildina er avrátt, at ikki úttala seg um nakað fyrr enn í morgin tá eitt skriv verður sent út.

Sum skilst skal ein ungur persónur vera funnin deyður.

Úr Fuglafirði frætta vit, at løgreglan er á varðhaldi uttan fyri eini hús. Alvápnað løgreglufólk, hundar og dronur hava eisini verið við í atsóknini.