Løgreglan venur at koyra í bilafylgi

Væntast kann, at ferðslan verður tarnað á ávísum strekkjum í morgin. Løgreglan boðar frá, at tey í morgin frá klokkan 11 til 16 fara t venja kortege koyring ella bilafylgi, sum tað eitur.

Fleiri akfør og politimotorsúkklur, fara at luttaka. Venjingin byrjar í Vágum/Flogvøllinum, og heldur fram á Streymoynni, Eysturoynni og  Klaksvík.

- Væntast kann, at ferðslan verður tarna eitt sindur av hesum. Vónandi bera tit yvir við okkum, sigur løgreglan.