Løgreglan leitar eftir meksikanara í Føroyum

Føroya Politi leitar í løtuni eftir 68 ára gamla meksikanaranum, Pedro Enrique Moreno Hentz.

Hann varð seinast sæddur á gistingarhúsinum í Tórshavn fyrrapartin 3. september 2025. Seinastu telefonupplýsingar hansara staðseta hann nærhendis Bøsdalafoss um middagsleitið sama dag, sigur løgreglan.

Seinnapartin í dag (4. september 2025) varð ryggsekkur hansara funnin í Mykinesfirði.

Um nakar hevur upplýsingar, sum kunnu hjálpa okkum at finna Pedro, kann ringjast á tlf. 351448.