Løgreglan kannar mál um stuldur úr hjalli í Havn

Løgreglan arbeiðir í løtuni við einum máli um stuldur úr einum hjalli í høvuðsstaðnum.

Tað var í gjárkvøldið um klokkan 23, at boðað varð frá, at onkur hevði stolið úr einum hjalli í Varðagøtu.

Tað var rúsdrekka, sum varð stolið úr hjallinum, og talan var um dýrar vørur, so samlaða virðið hevur verið fleiri túsund krónur, sigur vaktleiðarin á løgreglustøðini í Havn, sum leggur afturat, at hjallurin var ikki læstur.