Løgreglan kannar fýrverkssølu

Í hesum døgum ber til at keypa fýrverk til nýggjárið, og í hesum sambandi hevur løgreglan verið úti saman við Arbeiðs- og brunaeftirlitinum og kannað, um sølustøðini hava viðurskiftini í ordan.

Í gjár var eitt sølustað, sum fekk boð um at lata aftur, tí viðurskiftini vóru ikki í lagi.

Sølustaðið varð kunnað um, at tá viðurskiftini eru komin í rættlag, skal Arbeiðs- og brunaeftirlitið kunnast, og so verður kannað, um tað kann lata uppaftur.

Vaktleiðarin á løgreglustøðini í Havn sigur, at fleiri kanningar verða gjørdar av fýrverkssølum kring landið í dag. Kannað verður m.a., hvussu fýrverkið verður goymt.