Ingi Samuelsen
Annar tingfundurin í hesi tingsetuni verður settur klokkan 10 fyrrapartin. Á skránni er viðgerð av setanarrøðu løgmans ólavsøkudag.
Umframt at umrøða løgmansrøðuna skulu eisini veljast tveir limir og tveir varalimir í Norðurlandaráðið. Limirnir til Norðurlandaráðið verða valdir á hvørjum ári.
Erling Eidesgaard og Johan Dahl úr ávikavist Tjóðveldi og Sambandsflokkinum vórðu valdir fyri ári síðani. Erling Eidesgaard situr ikki longur í tinginum, eftir at Høgni Hoydal segði landsstýrissessin frá sær fyrr í ár.
Eisini er framløga á skránni fyri tingfundin í dag.
Viðgerðin av løgmansrøðuni verður neyvan liðug í dag. Í fjør tók tað tinginum tveir dagar at koma ígjøgnum viðgerðina av løgmansrøðuni.
Les eisini: - Sættast ikki við remis - finn støðugt virknar leikir
Vinarliga broyt tínar kennifíla - og privatlívsstillingar fyri at síggja hetta innihald