Lastbilur tók í hæddarbummin í Húsareynstunlinum

Um hálvgun fimm tíðina fekk løgreglan fráboðan um, at ein lastbilur hevði tikið í ein hæddarbumm í Húsareynstunlinum.

Tað er nógv útgerð upp undir loftinum á einum slíkum tunli, og dettur hon niður, kann hetta vera til vanda fyri onnur.

Í hesum føri stóðst kortini ikki nakar skaði av hendingini.

Løgreglan sigur, at hæddin á einum koyrandi akfari má ikki vera hægri enn fýra metrar. So hetta skal helst ikki gerast ein vani í nýggja tunlinum, sigur løgreglan.