Landslæknin: Talið í dag er helst omanfyri 100

Seinastu dagarnar eru metnógvir koronutilburðir staðfestir í Føroyum. Fríggjadagin vórðu 89 tilburðir staðfestir, leygardagin vórðu 78 tilburðir staðfestir, og helst verður nýtt met sett í dag.

Enn eru nýggjastu tølini ikki klár, men Lars Fodgaard Møller, landslækni segði við Útvarpið á middegi, at talið í dag helst fer at liggja omanfyri 100. M.a. eru tríggir smittutilburðir staðfestir á Landssjúkrahúsinum.

Í løtuni standa 290 persónar til at verða smittaðir við koronu í Føroyum, og ein persónur stendur til at vera innlagdur.