Krúnprinsurin fyllir 20 ár

Komandi danski kongurin, Christian krúnprinsur hátíðarheldur í dag sín 20 ára føðingardag.

Christian krúnprinsur er elstur av fýra børnum hjá Fríðriki kongi og Mary drotning.

Christian Valdemar Henri John, prinsur av Danmark, greivi av Monpezat varð føddur á Ríkissjúkrahúsinum í Keypmannahavn 15. oktober 2005. 21. januar 2006 varð hann doyptur í Christiansborg Slotskirke, og 15. mai 2021 varð hann fermdur í Fredensborg Slotskirke.

Hann varð liðugur við miðnámsútbúgving sína á Ordrup Gymnasium á sumri 2024. Síðan fór hann á menningarferð til Eysturafrika, og fór undir herskyldu í Slagelse. Í summar fór krúnprinsurin undir eina loytnantútbúgving. Útbúgvingin tekur eitt ár, og verður hann sostatt liðugur næsta summar.

Tann tá 12 ára gamli prinsurin vitjaði í Føroyum á sumri í 2018. Tað er higartil einasta Føroyavitjanin hjá honum. (Savnsmynd: Sverri Egholm)