Krúnprinsahjúnini á vitjan í fongslinum

Norsku krúnprinsahjúnini vóru seinnapartin í gjár á vitjan hjá Marius Borg Høiby í fongslinum í Oslo.

Tað skriva TV2 Norge og VG, sum eisini høvdu myndir av bilinum á veg inn og út úr fongslinum. Eisini hálvbróðir Marius Borg Høiby, Sverre Magnus prinsur, vitjaði.

Marius Borg Høiby er elsti sonur Mette-Marit krúnprinsessu, og hevur sitið í varðhaldsfongsli síðani byrjanina av februar mánaði.

Mette-Marit, prinsessa, er sjálv álvarsliga sjúk við lungnafibrosu, og fríggjadagin bórust tíðindini um, at hon nú er á bíðilista fyri at fáa nýggj lungu.

Marius Borg Høiby hevur biðið um at verða leyslatin úr fongslinum. Hesa umbøn skal rætturin í Oslo taka støðu til seinni í dag.