Koyrdu ov skjótt í Eysturoynni

Í gjár var løgreglan úti og kannaði ferðsluna í Eysturoynni, og í hesum sambandi vórðu fýra bilførarar, sum fingu klipp í koyrikortið.

Ein bilførari fekk klipp fyri at gera eina ólógliga yvirháling, og hinir tríggir fingu klipp fyri at koyra ov skjótt, sigur vaktleiðarin á løgreglustøðini í Havn.

Tveir bilførarar koyrdu ávikavist 101 og 106 kilometrar um tíman, har mest loyvda ferðin er 80 kilometrar um tíman, og ein lastbilførari fekk klipp fyri at koyra 89 kilometrar um tíman, hóast hann ikki hev loyvi at koyra meira enn 70 kilometrar um tíman.