2022-11-19 10:18
Í nátt hevur løgreglan verið úti og kannað ferðsluna, og í hesum sambandi varð ein bilførari í Kaldbaksbotni tikin fyri at koyra nógv skjótari, enn loyvt var.
Hóast hámarksferðin er 80 km/t, koyrdi hesin bilførarin 121 km/t. Hetta gevur eina treytaða frádøming av koyrikortinum, og noyðist bilførarin sostatt upp til nýggja koyriroynd.
Vaktleiðarin á løgreglustøðini í Havn sigur, at seinasta náttin annars hevur verið stak friðarlig.
Lítið av fólki hevur verið í býnum, og helst er tað keðiliga veðrið, ið hevur fingið fólk at halda seg heima, sigur hann.
Vinarliga broyt tínar kennifíla - og privatlívsstillingar fyri at síggja hetta innihald