2018-09-26 14:52
Oda Strøm
Oda Strøm
Tórshavnar kommuna hevur bjóðað øllum kommunulæknunum í Tórshavnar kommunu heimasíðu.
Kommunan hevur gjørt avtalu við Elektron sum veitara av heimasíðuloysnini “MínLækni”. Skipanin “MínLækni” verður longu brúkt av øðrum kommunulæknaviðtalum í landinum.
Til ber at síggja heimasíðuna her. Arbeitt verður við síðuni.
Hvør viðtala hevur sína egnu síðu undir “MínLækni”. Á heimasíðuni kann sjúklingurin bíleggja tíð og endurnýggja reseptheilivág. Harafturat ber til hjá kommunulæknanum at leggja almenna kunning út til sjúklingarnar.
Arbeiðið við at geva kommunulæknaviðtalunum heimasíðu er farið í gongd, og væntandi virkar heimasíðan hjá øllum teimum viðtalum, sum ynskja heimasíðuna, áðrenn árið er úti.
Vinarliga broyt tínar kennifíla - og privatlívsstillingar fyri at síggja hetta innihald