Klókur hundur gongur inn til fólk

Løgreglan fekk í gjár fráboðan um ein leysan hund á Tvøroyri. Viðkomandi sum klagaði um hundin upplýsti, at hundurin gekk leysur dagliga.

Tað serliga við hesum hundi er, at hann dugir at lata hurðar upp og gongur inn til fólk.

Í hesum føri hevði tað við sær, at hundarnir hjá fráboðaranum vóru slopnir út og farnir til stroks. Hann óttaðist tí at fáa bót sjálvur.

Aktingarmaðurin verður boðsendur í slíkum føri, og tekur sær av hesum.