Keldan ætlar at fara undir dagsbíbliuskúla

Siðani 2021 hevur stóra samkoman í Skálafirði, keldan, havt ein bíbliuskúla. 

Bíbliuskúlin Keldan (BSK) hevur havt skeið verið hildin um kvøldið og leygardagar, har. Har hava næmingar havt møguleikan at fingið undirvísing og granska í Bíbliuni.

Nú er ætlanin at útvíðka tilboðið. Keldan skrivar í fráboðan, at hetta verður ein stórur varði í søguni hjá BSK.

Talan verður um tað, ið eftir øllum at døma, verður tann fyrsti fasti dagbíbliuskúlin í Føroyum.

Byrja næsta ár - hava møguleikar seinnapartar

Undirvísingarnar vera fyrrapartar gerandisdagar. Sostatt ber til at ganga á BSK og
samstundis arbeiða seinnapartin, skrivar Keldan.

Á leið 30 ymisk undirvísingarevni eru á skrá í skúlaárinum. Eittnú Guds persónleiki,
Bíblian, gamla og nýggja testamenti, leiðsla, vekingarsøga, bøn, kristin
heimsáskoðan. 

- Á skúlanum eru nógvir ymiskir lærarar, sum tó hava til felags hetta greiða mál: At hjálpa næmingunum at vaksa andaliga og gera teir búnar at tæna í Guds ríki.

Sambært Kelduni er málbólkurin øll trúgvandi í Føroyum, sum ynskja at vaksa andaliga og tæna í Guds ríki.

Skúlin byrjar eftir ætlan 1. september 2026 og endar í mai 2027. Leisturin er ein dagsskúli, ið varir í níggju mánaðir. Túrar uttanlands verða eisini á skránni.

Meira er at lesa á bsk.fo, kunnar Keldan um.