"Kamarið" ársins útvarpshitt

Í morgunsendingini hjá Kringvarpinum í morgun varð avdúkað, at lagið "Kamarið" hjá bólkinum Tøgn er kosið Ársins útvarpshitt 2025.

Á øðrum plássi var "Av náði Guds" hjá Mariu á Lakjuni, og á triðja plássi endaði "Handyman" hjá Niclas Hera Jákupssyni.

Tað eru Beinir Troest Rasmussen, Jónas Gaard og Bárður Petersen, sum manna Tøgn.

Teir lýsa "Kamarið", sum varð givið út á vári í fjør, sum "ein folk/pop ballada, ið snýr seg um at hava onkran at líta á, tá ið alt tykist svart".