Jógvan Philbrow nýggjur dagstovnaleiðari á Oyrarbakka

Býráðið í Sunda kommunu samtykti á býráðsfundi tann 23. mai at seta Jógvan Philbrow í starv sum dagstovnaleiðari á Flatinum á Oyrarbakka.

Jógvan er 51 ára gamal og útbúgvin námsfrøðingur. Hann hevur starvast sum stovnsleiðari í góð 10 ár, og síðani sum formaður í Føroya Pedagogfelag í 9 ár. Seinasta árið hevur Jógvan starvast sum námsfrøðingur á dagstovninum Brúsa í Leirvík.

Jógvan byrjar í starvinum 1. august.

Sunda kommuna