Jan Højgaard fær trý ár afturat

Tað er nú greitt, at Jan Højgaard verður formaður fyri Føroya Fiskimannafelag í trý ár afturat.

Í gjár var seinasta freist at lata inn atkvøðuseðilin í formansvalinum, og tá talt varð upp vísti tað seg, at verandi formaður fekk 297 atkvøður meðan avbjóðarin, Axel Hansen, fekk 130 atkvøður.

Sostatt kann verandi formaður halda fram í eitt nýtt trý ára skeið.

Jan Højgaard varð fyrstu ferð valdur til formann í 2007 og fer sostatt nú undir sítt fimta formansskeið.