Ísrael fingið líkini av øllum gíslunum

Nú eru ikki fleiri gíslar eftir í Gaza. Tað boðar ísraelski herurin frá á sosiala miðlinum X, eftir at líkið av síðsta ísraelska gíslanum er heintað.

Talan er um líkið av 24 ára gamla løgreglumanninum, Ran Gvili, sum sambært herinum doyði undir álopinum hjá Hamas á Ísrael 7. oktober 2023. Síðani varð lík hansara flutt til Gaza, skriva tíðindastovurnar Ritzau og Reuters.

– Hetta er eitt serstakt bragd fyri statin Ísrael. Vit lovaðu, og eg lovaði, at fáa allar aftur, sigur ísraelski forsætisráðharrin, Benjamin Netanyahu.

Sum liður í avtaluni um vápnahvíld millum Ísrael og Hamas, sum kom í gildi í oktober, skuldu allir teir livandi gíslarnir, sum vóru eftir í Gaza, leyslatast, og eisini skuldi Hamas útflýggja líkini av teimum deyðu, sum vóru eftir í økinum. Tá vóru 48 gíslar eftir. Afturfyri vórðu fleiri hundrað palestinskir fangar elyslatnir úr Ísrael.